کانگریس میں اندرونی اختلافات دورکرنے کمیٹی تشکیل

حیدرآباد: تلنگانہ کانگریس کمیٹی نے پارلیمانی انتخابات کے دوران شکایات کے ازالہ کیلئے4رکنی کمیٹی تشکیل دی گئی۔

کمیٹی میں سابق سی ایل پی قائد کے جانا ریڈی، کارگزار صدر مہیش کمار گوڑ ایم ایل سی، اے آئی سی سی سکریٹری سمپت کمار اور صدر پی سی سی و چیف منسٹر اے ریونت ریڈی شامل ہیں۔

کمیٹی کی تشکیل کا فیصلہ گاندھی بھون میں منعقدہ عاملہ کے اجلاس میں کیا گیا۔ تاکہ پارلیمانی انتخابات کے دوران کانگریس پارٹی قائدین کے درمیان پیدا شدہ اختلافی رائے کو دور کیا جاسکے۔

ریونت ریڈی نے پارٹی قائدین کو مشورہ دیا کہ وہ کسی بھی اختلاف رائے یا شکایت کو مذکورہ کمیٹی سے رجوع کریں۔