حیدرآباد، سنیما گھر میں آگ لگ گئی

حیدرآباد: شہرحیدرآباد کے چندا نگر میں آگ لگنے کا واقعہ پیش آیا۔ یہ آگ پانچویں منزل پر واقع گنگارام جے پی سنیما میں لگی۔

اس واقعہ میں فرنیچر اور اسکرین مکمل طور پر جل کر خاکستر ہوگیا۔

سنیما گھر کے عملے کی اطلاع پر فائر بریگیڈ کی چار گاڑیاں موقع پر پہنچ گئیں اور آگ پر کافی جدوجہد کے بعد قابو پایا۔

ذرائع کے مطابق اس واقعہ میں کوئی جانی نقصان نہیں ہوا البتہ بڑے پیمانہ پر مالی نقصان ضرور ہوا ہے۔

سری لنگم پلی زونل کمشنر سرینواس ریڈی، ایڈیشنل ڈسٹرکٹ فائر آفیسر اور میونسپل عملہ نے موقع پر پہنچ کر صورتحال کا جائزہ لیا۔

گریٹرحیدرآباد میونسپل کارپوریشن (جی ایچ ایم سی)حکام کا کہنا ہے کہ شاپنگ مال میں فائر الارم نہیں ہے۔