حیدرآباد: امریکہ کا ویزانہ ملنے پر ڈاکٹر کی خودکشی
امریکہ میں آبزروَرشپ مکمل کرنے کے بعد، انہیں ایک کالج میں ریزیڈنسی پروگرام کے لئے منتخب کیا گیا تھا۔ وہ ویزا اپ گریڈیشن کے لئے ہندوستان آئی تھیں۔ جب انہوں نے واپس جانے کے لئے جے-ون ویزا کے لئے دوبارہ درخواست دی تو وہ مسترد ہو گیا۔
حیدرآباد: آندھرا پردیش کے شہر گنٹور سے تعلق رکھنے والی ایک ڈاکٹر نے امریکہ کا ویزا نہ ملنے کے باعث دل برداشتہ ہو کر حیدرآباد میں خودکشی کر لی۔
پولیس کے مطابق خاتون ڈاکٹر کی شناخت ڈاکٹر روہنی کے طورپر ہوئی ہے، جنہوں نے حیدرآباد میں اپنی رہائش گاہ پر نیند کی گولیاں کھا کر خودکشی کرلی۔
ڈاکٹر روہنی گزشتہ ایک سال سے میڈیکل تعلیم میں اسپیشلائزیشن کے لئے امریکہ جانے کی کوشش کر رہی تھیں۔
بتایا گیا ہے کہ اس وقت کی ٹرمپ انتظامیہ کی پابندیوں کی وجہ سے انہیں جے-ون ویزا نہیں مل سکا، جس پر وہ شدید ذہنی دباؤ کا شکار تھیں۔ان کے ایک رشتہ دارنے بتایا کہ روہنی ایک ذہین طالبہ تھیں اور یو ایس ایم ایل ای کے لئے 12سال سے تیاری کر رہی تھیں اور اس کے تینوں مراحل کامیابی سے مکمل کر لئے تھے۔
امریکہ میں آبزروَرشپ مکمل کرنے کے بعد، انہیں ایک کالج میں ریزیڈنسی پروگرام کے لئے منتخب کیا گیا تھا۔ وہ ویزا اپ گریڈیشن کے لئے ہندوستان آئی تھیں۔ جب انہوں نے واپس جانے کے لئے جے-ون ویزا کے لئے دوبارہ درخواست دی تو وہ مسترد ہو گیا۔
یہی ویزا مسترد ہونا ان کی خودکشی کا سبب بنا۔۔ پولیس نے لاش کو ضروری کارروائی کے بعد گنٹور منتقل کر دیا ہے۔
