حیدرآباد کے کمرشل کمپلیکس میں آگ لگ گئی

حیدرآباد: حیدرآباد کے حبشی گوڑا میں بدھ کے روز ایک تجارتی کمپلیکس میں زبردست آگ لگ گئی۔ حکام نے بتایا کہ کوئی جانی نقصان نہیں ہوا۔

پولیس نے بتایا کہ آگ چار منزلہ عمارت کی دوسری منزل پر واقع ایک ریسٹورنٹ میں صبح 9 بجے کے قریب لگی اور پہلی منزل پر موجود ملبوسات کے شوروم تک پھیل گئی۔

فائر بریگیڈ کے عملے نے 10 فائر انجنوں کی مدد سے آگ پر قابو پالیا۔ تاہم عمارت سے گاڑھا دھواں اب بھی نکل رہا تھا۔

آگ لگنے سے علاقے میں خوف وہراس پھیل گیا۔ پولیس نے احتیاطی اقدام کے طور پر ملحقہ پٹرول پمپ کو بند کر دیا۔

اس واقعہ سے اپل کو سکندرآباد سے جوڑنے والی مصروف سڑک پر گاڑیوں کی آمدورفت میں خلل پڑا۔

گریٹر حیدرآباد میونسپل کارپوریشن (جی ایچ ایم سی) کے سینئر عہدیداروں نے موقع پر پہنچ کر تحقیقات کا آغاز کیا۔