نیشنل ایجوکیٹرز ایوارڈز–2025 کی شاندار تقریب، سیکنڈرآباد میں منعقد
تقریب میں ملک کی مختلف ریاستوں سے تعلق رکھنے والے 116 اساتذہ کو ایوارڈز دیے گئے۔ RCKSTHP کے صدر ڈاکٹر اجیت کمار چوان نے شرکاء سے خطاب کرتے ہوئے اساتذہ کی خدمات کو سراہا اور ان کی حوصلہ افزائی کو تعلیم کے فروغ میں اہم قرار دیا۔
سیکنڈرآباد: ڈاکٹر رادھا کرشنن ٹیچرز سیلف ہیلپ گروپ (RCKSTHP) کے زیرِ اہتمام نیشنل ایجوکیٹرز ایوارڈز–2025 کی پروقار تقریب سینٹرل ہند ٹریننگ انسٹیٹیوٹ، سیکنڈرآباد میں منعقد ہوئی۔ اس موقع پر ملک بھر سے آئے ہوئے ممتاز اساتذہ کو تدریس، جدت، اور رہنمائی کے شعبوں میں ان کی نمایاں خدمات کے اعتراف میں اعزازات سے نوازا گیا۔
تقریب میں ملک کی مختلف ریاستوں سے تعلق رکھنے والے 116 اساتذہ کو ایوارڈز دیے گئے۔ RCKSTHP کے صدر ڈاکٹر اجیت کمار چوان نے شرکاء سے خطاب کرتے ہوئے اساتذہ کی خدمات کو سراہا اور ان کی حوصلہ افزائی کو تعلیم کے فروغ میں اہم قرار دیا۔
تلنگانہ ریاست کی انچارج محترمہ ببیتا چکیلام اور ریاستی کوآرڈینیٹرز کو بھی ان کی خدمات پر خصوصی طور پر خراجِ تحسین پیش کیا گیا۔
تقریب میں مختلف شعبوں میں نمایاں کارکردگی دکھانے والے اساتذہ کو "مضبوط ستون”، "تخلیقی ذہن”، "ابھرتا مستقبل”، "نمایاں معاون” اور "سچا رہنما” جیسے اعزازات سے نوازا گیا۔
اس موقع پر ڈاکٹر بھورے باشا سنگھ نے اساتذہ کے کردار کو قوم کے مستقبل کی تعمیر میں ریڑھ کی ہڈی قرار دیا۔ دیگر معزز شخصیات میں ڈاکٹر ایس. پروین کمار (نیشنل ریپریزنٹیٹو برائے انڈیا) اور ڈاکٹر آر. رمیش (نیشنل کوآرڈینیٹر) بھی شامل تھے۔
محترمہ احمدی تاج صاحبہ ایوارڈ حاصل کرتے ہوئے۔
