تلنگانہ کے سنگاریڈی ضلع میں کپاس کی مل میں بڑے پیمانہ پرآگ لگ گئی

حیدرآباد: تلنگانہ کے سنگاریڈی ضلع میں کپاس کی مل میں بڑے پیمانہ پرآگ لگ گئی۔

ضلع کے تُرکاوڈاگاملو علاقہ کی شری سمردھا کپاس کی مل میں کل شب یہ آگ لگی جس کے نتیجہ میں مل میں رکھی کپاس جل کر خاکسترہوگئی۔مل میں کپاس ہونے کی وجہ سے آگ تیزی کے ساتھ پھےلی۔

ابتدا میں مل کے ذمہ داروںنے اس آگ پرقابو پانے کی کوشش کی ۔ آگ لگنے کی وجہ فوری طورپرمعلوم نہ ہوسکی۔آگ کے ساتھ کثیف دھواں بھی دیکھاگیا۔اس واقعہ میں کسی کے جھلسنے یا پھر کسی کی موت کی کوئی اطلاع نہیں ملی ہے تاہم بڑے پیمانہ پرمالی نقصان ضرورہوا ہے۔

اس واقعہ کی ویڈیوز سوشیل میڈیا پر تیزی کے ساتھ وائرل ہوگئیں۔