پرانا شہرحیدرآباد کے کاٹن کے گودام میں آگ

حیدرآباد: پرانا شہر حیدرآباد کے یاقوت پورہ شوکت جنگ دیوڑھی علاقہ میں ایک کاٹن کے گودام میں بڑے پیمانہ پر آگ لگ گئی۔

یہ واقعہ کل شب پیش آیاجس میں گودام میں رکھا سامان اورگودام کی عمارت جل کر مکمل طورپرخاکستر ہوگئی۔

مقامی افراد کی اطلاع کے ساتھ ہی چارفائربریگیڈس نے وہاں پہنچ کر کافی جدوجہد کے بعد آگ پر قابو پایا۔

آگ کے ساتھ کثیف دھواں بھی دیکھاگیا۔اس واقعہ میں کسی کے جھلسنے یا پھر کسی کی موت کی کوئی اطلاع نہیں ملی ہے،البتہ6تا8لاکھ روپئے کا مالی نقصان ہوا ہے۔

اس واقعہ کی وجوہات معلوم نہ ہوسکیں۔