لاری سے دو کروڑروپئے مالیت کے سل فونس کی چوری

حیدرآباد: آندھراپردیش کے ضلع نندیال میں بڑے پیمانہ پر چوری کی واردات پیش آئی۔

تفصیلات کے مطابق ضلع کی دھون قومی شاہراہ پر سل فونس کے لوڈ کے ساتھ جانے والی لاری سے یہ چوری کی گئی۔اس لاری میں تقریبا دو کروڑروپئے مالیت کے سل فونس تھے۔

حیدرآباد سے بنگالورو جانے کے دوران اوبلاپورم کے قریب یہ واردات پیش آئی۔پولیس نے شبہ ظاہر کیاکہ اس چوری کی واردات کے سلسلہ میں لاری کے ڈرائیور کا بھی ہاتھ ہوسکتا ہے۔

ناگالینڈ سے تعلق رکھنے والی کمپنی کے مالک نے پولیس سے اس سلسلہ میں شکایت کی ہے۔پولیس نے ایک معاملہ درج کرلیا۔