بی جے پی کے 11 ریاستوں کے صدور اور جنرل سکریٹریز کا اجلاس

حیدرآباد: حیدرآباد میں بی جے پی کے ریاستی دفتر میں پارٹی کے قومی صدر جے پی نڈا کی صدارت میں 11 ریاستوں کے صدور اور جنرل سکریٹریز کا اجلاس ہوا جس میں زعفرانی جماعت کے لیڈروں نے آئندہ اسمبلی اور پارلیمانی انتخابات میں پارٹی کو اقتدار میں لانے کے لیے اختیار کی جانے والی حکمت عملی پر تبادلہ خیال کیا۔

ذرائع کے مطابق اس اجلاس میں پارٹی کے مختلف ریاستوں میں موقف اور ان کو مستحکم کرنے کیلئے کئے جانے والے اقدامات پر بھی بات چیت کی گئی۔ تلنگانہ بی جے پی کے صدر کشن ریڈی نے قبل ازیں حیدرآباد پہنچنے پر ایرپورٹ پر بی جے پی کے صدرجے پی نڈا کا استقبال کیا۔

 اس اجلاس میں بی جے پی لیڈر بی ایل سنتوش،رکن پارلیمنٹ بنڈی سنجے، اے پی کے بی جے پی کی صد رپورندیشوری، ڈی کے ارونا، ایم پی لکشمن، ای راجندر اور دیگر اہم لیڈران نے شرکت کی۔

 جے پی نڈاکا بی جے پی کے ریاستی دفتر میں آمد پر ان کا خیرمقدم کیاگیا۔ سابق وزیرا ی راجندر کو بی جے پی میں ناراض لیڈروں کو مطمئن کرنے کی پوری ذمہ داری سونپی گئی ہے۔