اترپردیش کے پولیس اسٹیشن میں عمرہ جانے کی خواہشمند مسلم خاتون کو پولیس کی گولی لگ گئی (ویڈیو وائرل)
وہ اپنے ایک رشتہ دار کے ساتھ پولیس اسٹیشن پہنچیں جہاں انسپکٹر منوج شرما سے بندوق چل گئی اور گولی سیدھا خاتون کے سر میں جالگی جس کے نتیجے میں وہ شدید زخمی ہوگئیں۔
علیگڑھ: اتر پردیش میں پولیس اسٹیشن کے اندر پولیس افسر کے پستول سے چلنے والی گولی خاتون کو لگ گئی۔ واقعہ کی سی سی ٹی وی فوٹیج بھی سامنے آگئی۔
یہ واقعہ علیگڑھ میں پیش آیا جہاں کوٹ کوتوالی کے علاقہ میں پولیس اسٹیشن کے اندر 50 سالہ خاتون عشرت اپنے پاسپورٹ کی انکوائری میں تھانے آئی ہوئی تھیں۔ وہ عمرہ پر جانا چاہتی تھیں تاہم انہیں پولیس نے پولیس اسٹیشن بلایا تھا۔
In #UttarPradesh's #Aligarh, a 55 year old #Muslim women #IshratNigar was planning to travel to #SaudiArabia for #Haj & #Umrah pilgrimage.
— Hate Detector
She was accompanied by her son to the police station for #Passport verification when she was left seriously injured after the gunshot fired… pic.twitter.com/PRgYFDbnAV(@HateDetectors) December 9, 2023
وہ اپنے ایک رشتہ دار کے ساتھ پولیس اسٹیشن پہنچیں جہاں انسپکٹر منوج شرما سے بندوق چل گئی اور گولی سیدھا خاتون کے سر میں جالگی جس کے نتیجے میں وہ شدید زخمی ہوگئیں۔ انہیں فوری طور پر علاج کے لئے جواہر لال نہرو اسپتال منتقل کیا گیا جہاں ان کی حالت تشویش ناک بتائی جاتی ہے۔
Listen to the eyewitness of the #Aligarh incident where a cop ‘accidentally’ shot #Ishrat while checking his pistol.
— Hate Detector
Listen to each and every word he is speaking…#UttarPradesh #KotwaliNagar #UPPolice #ManojSharma pic.twitter.com/raePs9uCuK
خاتون کے افراد خاندان کا کہنا ہے کہ بھارتی پولیس پاسپورٹ کا این او سی دینے کےلیے خاتون سے رشوت مانگ رہی تھی اور ان کی پولیس اسٹیشن میں پولیس سے تلخ کلامی ہوئی تھی۔
واقعہ میں ملوث انسپکٹر منوج شرما کو معطل کرکے اس کے خلاف مقدمہ درج کرلیا گیا ہے تاہم وہ فرار ہے اور تاحال قانون کی گرفت سے باہر ہے۔
