ایک شخص کو کار پر پٹرول ڈال کر زندہ جلادیا گیا، ویڈیو وائرل

حیدرآباد: آندھراپردیش کے ضلع تروپتی میں ایک شخص کو اس کی کار پر پٹرول ڈال کر زندہ جلا دیاگیا۔ مقامی افرادکی اطلاع پر پولیس نے موقع پر پہنچ کر معائنہ کیا۔لاش ناقابل شناخت ہونے پر گاڑی کے نمبر کی بنیاد پر تفصیلات معلوم کی گئیں۔

مقتول کی شناخت ناگاراجو کے طور پر کی گئی ہے جو سافٹ ویئر انجینئر تھا۔ پولیس نے بتایا کہ مقتول بنگلور کی ایک معروف کمپنی میں کام کرتا تھا۔ بتایا جاتا ہے کہ بنگلور سے برہمن پلی جانے کے دوران ہفتہ کی نصف شب حملہ آوروں نے یہ واردات انجام دی۔پولیس نے اس سلسلہ میں ایک معاملہ درج کرلیا اور ملزمین کی تلاش شروع کردی۔