ایرانڈیا کے طیارہ میں بچھو نے خاتون مسافر کو ڈنک مارا

نئی دہلی: کبھی کبھار پیش آنے والے واقعہ میں ایرانڈیا کی ناگپور تا ممبئی پرواز میں گزشتہ ماہ ایک خاتون مسافر کو بچھو نے ڈنک مارا۔ ممبئی ایرپورٹ پر لینڈنگ کے بعد ڈاکٹر نے معائنہ کیا اور بعدازاں دواخانہ میں علاج کے بعد اسے ڈسچارج کردیا گیا۔

ایرانڈیا نے کہا کہ یہ کبھی کبھار پیش آنے والا بدبختانہ واقعہ فلائٹ اے آئی 630 میں 23  اپریل 2023کو پیش آیا۔ ایرلائن کے بموجب طیارہ کی اچھی طرح جانچ میں بچھو پایا گیا جس کے بعد کیڑے مار دوا کا چھڑکاؤ کیا گیا۔