کانگو کی جھیل میں بھیانک حادثہ، کشتی الٹنے سے 78 افراد کی موت (خوفناک ویڈیو وائرل)

کانگو: افریقی ملک کانگو کے ایک دریا میں مسافروں کو لے جانے والی کشتی کے الٹنے کے واقعے میں 78 افراد ہلاک ہوگئے، جب کہ درجنوں افراد اب بھی لاپتہ ہیں۔ صوبائی گورنر کے مطابق، یہ حادثہ جمعرات کو کانگو کی جھیل کیوو میں پیش آیا، جہاں 278 مسافروں سے بھری کشتی الٹ گئی، جس کے نتیجے میں کم از کم 78 افراد ڈوب گئے۔

سوشل میڈیا پر شیئر کی گئی ویڈیو فوٹیج میں ایک بھاری ملٹی ڈیک جہاز کو پانی میں الٹتے ہوئے اور مسافروں کو جھیل میں گرتے ہوئے دکھایا گیا ہے۔ یہ واضح نہیں ہے کہ کتنے لوگ ابھی بھی لاپتہ ہیں، جبکہ علاقائی حکام نے ہلاکتوں کی تعداد کے بارے میں متضاد اطلاعات فراہم کی ہیں۔

جنوبی کیوو صوبے کے گورنر جین جیک پوریسی نے کہا کہ مرنے والوں کی تعداد 78 تھی اور 278 سوار تھے۔ انہوں نے میڈیا کو بتایا کہ صحیح تعداد حاصل کرنے میں کم از کم تین دن لگیں گے، کیونکہ ابھی تک تمام نعشیں نہیں ملی ہیں۔