اداکارہ جمنا کی موت فلم انڈسٹری کیلئے ایک بڑا نقصان: کے سی آر

حیدرآباد: تلنگانہ کے وزیر اعلی کے چندر شیکھر راؤ (کے سی آر) نے جمعہ کو کہا کہ تجربہ کار اداکارہ، فلم فیئر ایوارڈ یافتہ اور کانگریس کی سابق رکن اسمبلی جمنا کی موت فلم انڈسٹری کے لیے ایک بڑا نقصان ہے۔

سلور اسکرین کی ‘ستیابھاما’ کے نام سے مشہور جمنا کا جمعہ کو یہاں اپنی رہائش گاہ پر انتقال ہوگیا۔

ایک پیغام میں کے سی آر نے جمنا کی دلکش یادوں کو یاد کیا، جنہوں نے پہلی نسل کی اداکارہ کے طور پر سینکڑوں فلموں میں کام کیا اور تیلگو کی پسندیدہ اسٹار بن کر ابھریں۔

انہوں نے کہا کہ قابل ذکر ہے کہ تیلگو، تمل اور کنڑ اور ہندی فلموں میں اداکاری کرنے والی جمنا نے ایک مقبول اداکارہ کے طور پر لوگوں کے دل جیت لیے اور رکن اسمبلی کی حیثیت سے عوامی خدمات بھی انجام دیں۔ انہوں نے سوگوار لواحقین سے گہری تعزیت کا اظہار کیا۔