اڈانی گروپ نے ہینڈنبرگ ریسرچ کے الزامات مسترد کردئے
اڈانی گروپ نے اتوار کے دن ہینڈنبرگ ریسرچ کے تازہ الزامات کو پوری قوت سے مسترد کردیا۔ اس نے ان الزامات کو شرانگیزی اور کھلے عام دستیاب جانکاری کو توڑمروڑ کر پیش کرنے کی حرکت قرار دیا۔
![اڈانی گروپ نے ہینڈنبرگ ریسرچ کے الزامات مسترد کردئے](https://urdu.munsifdaily.com/wp-content/uploads/2024/08/Adani-SEBI.jpg)
احمد آباد: اڈانی گروپ نے اتوار کے دن ہینڈنبرگ ریسرچ کے تازہ الزامات کو پوری قوت سے مسترد کردیا۔ اس نے ان الزامات کو شرانگیزی اور کھلے عام دستیاب جانکاری کو توڑمروڑ کر پیش کرنے کی حرکت قرار دیا۔
اسٹاک ایکسچینج فائلنگ میں اڈانی گروپ نے ان الزامات کو پوری طرح مسترد کردیا۔ اس نے کہا کہ ساکھ سے محروم شارٹ سیلر نے بے بنیاد الزامات عائد کئے ہیں۔ اڈانی گروپ کے ترجمان نے پھر کہا کہ کمپنی کا سمندر پار ہولڈنگ اسٹرکچر پوری طرح صاف و شفاف ہے۔
علاوہ ازیں انیل آہوجا 2007-08ء میں اڈانی پاور کے 3i انوسمنٹ فنڈ کا نامزد ڈائرکٹر تھا۔ بعدازاں وہ 2017ء تک ڈائرکٹر اڈانی انٹرپرائزس رہا۔ اڈانی گروپ نے کہا کہ ریسرچ گروپ نے جن افراد کا نام لیا ہے، ان سے اس کا کوئی کاروباری رشتہ نہیں ہے۔
قبل ازیں سیکوریٹیز اینڈ ایکسچینج بورڈ آف انڈیا (سیبی) کی سربراہ مادھابی پوری بچ اور ان کے شوہر دھول بچ نے ہینڈنبرگ ریسرچ کے الزامات کی سختی سے تردید کی۔
انہوں نے اسے کردار کشی کی کوشش قرار دیا، کیونکہ نیٹ انڈرسن کی کمپنی کو گزشتہ ماہ نوٹس وجہ نمائی جاری کی گئی تھی۔