اڈانی۔ ہنڈن برگ تنازعہ، سپریم کورٹ جمعہ کو سماعت پر آمادہ

نئی دہلی: سپریم کورٹ نے چہارشنبہ کے دن آمادگی ظاہر کی کہ وہ اڈانی گروپ آف کمپنیز کے خلاف ایک کانگریس قائد کی درخواست کا جمعہ کو جائزہ لے گی۔

کانگریس قائد جیہ ٹھاکر کے وکیل ویریندر کمار شرما نے چیف جسٹس آف انڈیا ڈی وائی چندرچوڑ اور جسٹس پی ایس نرسمہا کی بنچ سے جلد سماعت چاہی۔

ابتدا میں بنچ نے کہا کہ وہ 24 فروری کو معاملہ کی سماعت کرے گی لیکن وکیل نے زور دیا کہ اس معاملہ میں مفادِ عامہ کی 2 درخواستوں کی لسٹنگ 17 فروری کو ہوئی ہے۔

اس پر بنچ نے جمعہ کو سماعت کا فیصلہ کیا۔جیہ ٹھاکر نے گزارش کی ہے کہ اڈانی گروپ کے خلاف تحقیقات کی ہدایت دی جائے۔