اڈانی کمپنیوں میں ایل آئی سی حصص کی قدر گھٹ گئی

نئی دہلی: اڈانی گروپ کی پانچ بڑی کمپنیوں میں سرکاری زیرانتظام لائف انشورنس کارپوریشن(ایل آئی سی) کے حصص کی قدر پہلی مرتبہ اس کی خریداری کی قیمت سے بھی کم ہوگئی ہے۔

جمعرات کے روز اڈانی گروپ کی کمپنیوں نے ایل آئی سی کی مارکٹ قدر(سوائے امبوجہ اوراے سی سی سمنٹ کے) 26,861.9 کروڑرہی جواس کی خریداری کی قدر 30,127کروڑ روپے سے بھی کم ہے۔

اڈانی گروپ کی کمپنیوں میں ایل آئی سی سب سے بڑااندرون ملک ادارہ جاتی شئیر ہولڈر ہے۔اوراڈانی پورٹس میں 9.14 فیصد، اڈانی ٹوٹل گیس میں 5.96 فیصد‘اڈانی انٹرپرائزرس4.23 فیصد اوراڈانی ٹرانسمیشن میں 3.65 فیصد کے علاوہ اڈانی گرین انرجی میں 1.28 فیصد حصص رکھتاتھا۔