عادل آباد کے رکن اسمبلی راتھوڑ باپو راؤ حادثہ میں محفوظ

حیدرآباد: تلنگانہ کے عادل آباد ضلع کے رکن اسمبلی راتھوڑ باپو راؤ حادثہ میں محفوظ رہے۔ باپو راؤ کی گاڑی جو حیدرآباد سے عادل آباد جارہی تھی، نیراڈی گونڈہ منڈل میں اُس وقت حادثہ کا شکار ہوگئی جب ان کی کار کے ڈرائیور نے سامنے آنے والے مویشیوں سے بچنے کی کوشش کے دوران اس کا توازن کھودیااوریہ کار بے قابو ہوگئی۔

اس حادثہ میں ایم ایل اے کا ہاتھ معمولی زخمی ہوگیا۔ بوتھ علاقہ کے ایک پرائیویٹ اسپتال میں علاج کے بعد وہ عادل آباد میں اپنے گھر چلے گئے۔