ایجنٹ کا دھوکہ، تلنگانہ کا نوجوان عراق میں پھنس گیا (ویڈیو وائرل)

حیدرآباد: ایجنٹ کے دھوکہ کے سبب تلنگانہ کا ایک نوجوان عراق میں پھنس گیا۔تفصیلات کے مطابق اس نوجوان جس کی شناخت ضلع جگتیال کے سارنگاپورمنڈل سے تعلق رکھنے والے اجئے کے طورپر کی گئی ہے، نے اپنے رشتہ داروں کو بھیجی گئی۔

  سیلفی ویڈیو میں نشاندہی کرتے ہوئے کہاکہ ایجنٹ نے اس کو پُرکشش ملازمت کا وعدہ کرتے ہوئے عراق بھجوایاتھا تاہم وہ عراق میں پھنس گیا اور کافی مشکلات کاسامناکررہا ہے۔

اس نے کہا کہ اس کا پاسپورٹ بھی حاصل کرلیاگیا ہے اور گھر واپسی کا کوئی راستہ نظرنہیں آرہا ہے۔اس نے اپنے ارکان خاندان اورحکومت ہند سے خواہش کی کہ اس کی وطن واپسی کو یقینی بنایاجائے۔