حیدرآباد
ٹرینڈنگ

گروہا لکشمی ہاوزنگ اسکیم برخاست،حکومت کا فیصلہ

منیجنگ ڈائرکٹر تلنگانہ اسٹیٹ ہاوزنگ کارپوریشن لمیٹڈ نے اپنے ایک مکتوب میں بتایا کہ حکومت کے6گارنٹیز پروگرام کے تحت ایک نئی ہاوزنگ اسکیم (اندرماں ہاوزنگ اسکیم) پر عمل کیا جارہا ہے۔

حیدرآباد: حکومت تلنگانہ نے گروہا لکشمی ہاوزنگ اسکیم ختم کرنے کا فیصلہ کرتے ہوئے احکامات جاری کردئے ہیں۔ سابق میں بی آر ایس حکومت کی جانب سے اراضی امکنہ کے مالکین کو مکانات کی تعمیر میں مدد کرنے کیلئے گروہا لکشمی ہاوزنگ اسکیم شروع کی گئی تھی۔

متعلقہ خبریں
ڈاکٹر شبانہ کیسر سوری دوبارہ مانوٹا کی صدر منتخب
جامعہ راحت عالم للبنات عنبرپیٹ میں نزول قرآن کا مقصد اور نماز کی اہمیت و فضیلت کے موضوع پر جلسہ
حکومت تمام مخلوعہ جائیدادوں پر تقررات کیلئے پر عزم: سریدھر بابو
قاضی پیٹ درگاہ عرس تقاریب کا 17 اگست سے آغاز، ہنمکنڈہ کلکٹریٹ میں انتظامات کا جائزہ اجلاس
وزیر اے لکشمن کمار کی 41ویں آل انڈیا سنٹرل جُلوسِ واپسی اہلِ حرم میں شرکت کی یقین دہانی

 اس اسکیم کے تحت حکومت نے چار لاکھ مکانات کی تعمیر کو منظوری دی تھی اور غریب بے گھر، بے سہارا افراد کو باعزت اور پروقار زندگی بسر کرنے کیلئے فی کس تین لاکھ روپے سبسیڈی پر مشتمل قرض منظور کیا جاتا تھا۔

اس اسکیم کے لئے رہنمایانہ خطوط کی تدوین کے بعد ضلع کلکٹرس نے 2,12,095 افراد کو گروہا لکشمی ہاوزنگ اسکیم کے تحت منظوری دی تھی۔ منیجنگ ڈائرکٹر تلنگانہ اسٹیٹ ہاوزنگ کارپوریشن لمیٹڈ نے اپنے ایک مکتوب میں بتایا کہ حکومت کے6گارنٹیز پروگرام کے تحت ایک نئی ہاوزنگ اسکیم (اندرماں ہاوزنگ اسکیم) پر عمل کیا جارہا ہے۔

جس کے تحت غریب عوام کو اپنی امکنہ اراضی پر مکان کی تعمیر کیلئے پانچ لاکھ روپے جاری کئے جائیں گے۔ اس لئے قدیم گروہا لکشمی ہاوزنگ اسکیم کی ضرورت نہیں ہے۔