اکشے کمار کی فلم ’بھوت بنگلہ‘ 100 کروڑ کے کلب میں شامل
یہ فلم 16 اپریل کو پیڈ پریویوز کے ساتھ ریلیز ہوئی تھی، جہاں اس نے پہلے ہی دن 3.75 کروڑ روپے کا کاروبار کیا۔ پریادرشن کے ساتھ اکشے کمار کی ہٹ جوڑی 14 سال بعد ایک بار پھر اس فلم کے ذریعے بڑے پردے پر لوٹی ہے۔
ممبئی: بالی ووڈ اسٹار اکشے کمار کی فلم ‘بھوت بنگلہ’ نے ہندوستانی باکس آفس پر 100 کروڑ روپے کا ہندسہ عبور کر لیا ہے۔
یہ فلم 16 اپریل کو پیڈ پریویوز کے ساتھ ریلیز ہوئی تھی، جہاں اس نے پہلے ہی دن 3.75 کروڑ روپے کا کاروبار کیا۔ پریادرشن کے ساتھ اکشے کمار کی ہٹ جوڑی 14 سال بعد ایک بار پھر اس فلم کے ذریعے بڑے پردے پر لوٹی ہے۔
سَیک نِلک کے مطابق، فلم نے پہلے ہفتے میں 84.40 کروڑ روپے کمائے، جبکہ آٹھویں دن 5.75 کروڑ اور نویں دن 10.75 کروڑ روپے کی کمائی کے ساتھ مجموعی طور پر 100 کروڑ کلب میں شامل ہو گئی۔
’بھوت بنگلہ‘ کو کیپ آف گڈ فلمز اور بالاجی موشن پکچرز کے بینر تلے پیش کیا گیا ہے۔ فلم میں اکشے کمار کے ساتھ وامیکا گبی، پریش راول، تبو، راجپال یادو، جیشو سین گپتا اور مِتِھلا پالکر نے اہم کردار ادا کیے ہیں، جبکہ پروڈیوسرز میں اکشے کمار، شوبھا کپور اور ایکتا آر کپور شامل ہیں۔
