تلنگانہ حکومت نے بڑے پیمانے پر آئی اے ایس افسران کے تبادلے کئے

حیدرآباد: تلنگانہ حکومت نے انڈین ایڈمنسٹریٹیو سروس (آئی اے ایس) کے افسران کی ذمہ داریوں میں بڑے پیمانے پر رد و بدل کیا ہے۔

اس سلسلے میں احکامات چیف سیکرٹری رام کرشنا راؤ نے ہفتے کی رات دیر گئے جاری کیے۔ کئی سینئر افسران، جو اہم محکموں کی کمان سنبھال رہے تھے، انہیں نئی ذمہ داریاں سونپی گئی ہیں۔

مسٹر سنجے کمار کو نئی دہلی میں واقع ‘تلنگانہ بھون’ میں بطور اسپیشل آفیسر تعینات کیا گیا ہے۔ مسٹر ایم دانہ کشور محکمہ پنچایت راج اور دیہی ترقی کے سربراہ بنائے گئے ہیں۔ جبکہ محترمہ ہری چندنا داساری حیدرآباد کی ضلعی کلکٹر کو منتقل کر کے محکمہ محنت، روزگار، تربیت اور فیکٹریز میں سیکرٹری تعینات کیا گیا ہے۔

محترمہ پرینکا الا حیدرآباد کی نئی ضلعی کلکٹر مقرر کی گئی ہیں۔ مسٹر کرشنا آدتیہ ایس محکمہ صنعت و تجارت میں تعینات کیے گئے ہیں۔ محترمہ ابھلیشا ابھینو انٹرمیڈیٹ تعلیمی محکمے کی سربراہ ہوں گی۔ مسٹر انو دیپ دریشٹی انفارمیشن ٹیکنالوجی، الیکٹرانکس اور کمیونیکیشن کے محکمے میں منتقل کر دیا گیا ہے۔

انتظامیہ میں رد و بدل کے دوران نرمل، سنگاریڈی، کھمم، مولوگو اور نارائن پیٹ سمیت کئی اضلاع میں نئے کلکٹرز کا تقرر کیا گیا ہے۔

حکومت کے مطابق ان تبادلوں کا مقصد مختلف محکموں اور اضلاع میں انتظامی امور کو ہموار کرنا اور حکمرانی کے نظام کو مزید بہتر بنانا ہے۔