شراب نوشی پراعتراض، ایک شخص پر حملہ۔7افرادگرفتار

حیدرآباد: کھلے مقام پر شراب نوشی کرنے پر اعتراض کے بعدایک شخص پر حملہ کرنے اور اس کے گھر کو نقصان پہنچانے کے الزام میں دو نابالغ لڑکوں سمیت سات افراد کو گرفتار کرلیاگیا۔

یہ واقعہ کل رات شہرحیدرآباد کے سرور نگر کے نیتاجی نگر کالونی میں پیش آیا۔

سرور نگر پولیس نے بتایا کہ بعض افرادکا ایک گروپ ایک کھلی جگہ پر شراب نوشی کر رہا تھا کہ ایک شخص نے اعتراض کیا اور کہا کہ وہ اس علاقہ سے چلے جائیں جس پر ان افراد نے اس کے گھر پہنچ کر اس پر حملہ کرتے ہوئے گھر کو نقصان پہنچایا۔

گھر کا مالک جناردھن ریڈی اس حملہ میں زخمی ہوگیا۔ سرورنگر پولیس نے ایک مقدمہ درج کرکے جانچ شروع کردی۔پولیس نے ملزمین کو گرفتارکرکے ان کو ریمانڈ کردیا۔