20 ہزار ملازمین کو برخاست کرنے امیزون کا منصوبہ
امیزون نے اپنے منیجروں سے کہا ہے کہ ملازمین کی کارکردگی سے متعلق مسائل کی نشاندہی کریں۔ ذرائع کے مطابق جن کارپوریٹ ملازمین کو ہٹایا جانے والا ہے انہیں 24 گھنٹے کی نوٹس جاری کی جائے گی اور کمپنی سے کنٹراکٹ کے مطابق بقایہ جات ادا کیے جائیں گے۔
نئی دہلی: کمپیوٹر ورلڈ کی رپورٹ کے مطابق آنے والے مہینوں میں امیزون کارپوریٹ اگزیکٹیو عہدیداروں کے بشمول تقریباً 20 ہزار ملازمین کو ملازمت سے برخاست کرے گا۔ ٹکنالوجی کی یہ بڑی کمپنی جس میں ساری دنیا میں 1.6 ملین سے زیادہ ملازم ہیں، مختلف محکموں سے ملازمین کو ملازمت سے برخاست کرنے والی ہے۔
ان میں تقسیم کار ملازمین، کارپوریٹ اگزیکٹیو عہدیدار اور ٹیکنیکل عملہ شامل ہے۔ اس بارے میں معلومات رکھنے والے نامعلوم وسائل کا حوالہ دیتے ہوئے کہا کہ کمپنی کے تمام سطح کے ملازمین اس اقدام سے متاثر ہوں گے۔
گذشتہ ماہ دی نیویارک ٹائمز نے بتایا کہ امیزون دس ہزار سے زیادہ ملازمین کو برخاست کرنے کا منصوبہ بنا رہا ہے، جو ٹکنالوجی کی کمپنی کی تاریخ میں سب سے بڑا اقدام ہے۔
گذشتہ چند دنوں میں امیزون نے اپنے منیجروں سے کہا ہے کہ ملازمین کی کارکردگی سے متعلق مسائل کی نشاندہی کریں۔ ذرائع کے مطابق جن کارپوریٹ ملازمین کو ہٹایا جانے والا ہے انہیں 24 گھنٹے کی نوٹس جاری کی جائے گی اور کمپنی سے کنٹراکٹ کے مطابق بقایہ جات ادا کیے جائیں گے۔
ایک ذرائع نے بتایا کہ ملازمتوں کو کم کرنے کے بارے میں اطلاعات کے سبب ملازمین میں خوف پیدا ہوگیا ہے۔ ذرائع نے مزید بتایا کہ امیزون کسی مخصوص محکمہ یا مقام کو نشانہ بنا رہا ہے اور اس اقدام کا اثر تمام ملازمین پر ہوگا۔
