ایگزٹ پول کی ڈیڈ لائن میں ترمیم، الیکشن کمیشن نے گھٹایا وقت

نئی دہلی: الیکشن کمیشن آف انڈیا نے 5 ریاستوں میں اسمبلی انتخابات کے ایگزٹ پول کی ڈیڈ لائن میں ترمیم کی ہے۔ الیکشن کمیشن نے جمعرات کی شام ساڑھے پانچ بجے کے بعد ایگزٹ پول جاری کرنے کی اجازت دے دی ہے۔

قبل ازیں تلنگانہ اسمبلی انتخابات کی پولنگ ختم ہونے پر الیکشن کمیشن نے جمعرات کی شام 6.30 بجے کے بعد ایگزٹ پول جاری کرنے کی اجازت دی تھی۔ تاہم آج شام 5.30 بجے کے بعد ایگزٹ پول کی اجرائی کو گرین سگنل دے دیا ہے۔

اسمبلی انتخابات کے لئے پولنگ شام 5 بجے ختم ہونے والی ہے اور شام ساڑھے پانچ بجے کے بعد ایگزٹ پول جاری ہونے کا امکان ہے۔

اسی دوران تلنگانہ اسمبلی انتخابات کی پولنگ معمولی واقعات کو چھوڑ کر پرامن طریقے سے جاری ہے۔ شہری علاقوں میں سست روی سے پولنگ ہورہی ہے جبکہ دیہی علاقوں میں پولنگ تیز رفتاری سے جاری ہے۔