عثمانیہ یونیورسٹی پی جی گرلز ہاسٹل میں داخل ہوکر بعض لڑکیوں پر حملہ کی کوشش۔ایک نوجوان پکڑاگیا

حیدرآباد: شہرحیدرآباد کی عثمانیہ یونیورسٹی کے پی جی گرلز ہاسٹل میں کل شب بعض افرادنے داخل ہوکربعض لڑکیوں پر حملہ کی کوشش کی۔ان میں سے ایک نوجوان کو پکڑلیاگیا۔

اس واقعہ کے خلاف طلبا اور طالبات نے احتجاج کرتے ہوئے کہاکہ ہاسٹلس میں سیکوریٹی سخت کی جائے اور سی سی ٹی وی کیمرے لگائے جائیں۔

انہوں نے اپنے مطالبہ کی حمایت میں نعرے بازی بھی کی۔ان طلبہ نے ان سے انصاف کا مطالبہ کیا۔طلبہ کے احتجاج کی اطلاع کے ساتھ ہی پولیس وہاں پہنچ گئی۔

پولیس نے اس شخص کوحراست میں لے لیا۔پولیس نے احتجاجی طلبہ کے جذبات کوسرد کرنے کی بھی کوشش کی۔