سکریٹریٹ کا ملازم سڑک حادثہ میں ہلاک،30 دنوں میں ہونے والی تھی شادی

حیدرآباد: سکریٹریٹ کا ایک ملازم جس کی28اگست کو شادی ہونے والی تھی، سڑک حادثہ میں ہلاک ہوگیا۔ اس واقعہ سے شادی کے گھر میں کہرام مچ گیا۔ تفصیلات کے مطابق آندھراپردیش کے وائی ایس آرکڑپہ ضلع کے 31سالہ ویرانجیا کمار 2019 سے ٹاؤن پلاننگ ڈپارٹمنٹ میں سکریٹری کے طور پرکام کررہا تھا۔

 کمارکی حال ہی میں اناکاپلی سے تعلق رکھنے والی ایک لڑکی سے منگنی ہوئی۔ دونوں خاندانوں نے اس ماہ کی 28 تاریخ کو شادی کرنے کا فیصلہ کیا۔

 کمار سڑک عبور کررہاتھا کہ بائیکس کے تصادم میں وہ شدید زخمی ہوگیا۔ فوری طور پر مقامی افرادنے اسے شہر کے ایک پرائیویٹ اسپتال پہنچایاجہاں علاج کے دوران اس کی موت ہوگئی۔