آندھراپردیش: چلتی لاری میں آگ لگ گئی

حیدرآباد: آندھراپردیش کے ضلع پرکاشم میں چلتی لاری میں آگ لگ گئی۔یہ واقعہ ضلع کی قومی شاہراہ پر پیش آیا۔یہ لاری، چیماکرتی سے نیلور ضلع کے رامیا پٹنم کورٹ کی سمت جارہی تھی کہ اس میں اچانک آگ لگ گئی۔

سمجھاجاتا ہے کہ گنجائش سے زیادہ لوڈ ہونے کی وجہ سے اس لاری میں شارٹ سرکٹ ہوا جس کے نتیجہ میں اس لاری میں آگ لگ گئی۔اس واقعہ کے نتیجہ میں سڑک پر گذرنے والی دوسری گاڑیوں کے سوار خوفزدہ ہوگئے۔اطلاع ملتے ہی فائربریگیڈ کے اہلکاروں نے وہاں پہنچ کر آگ پر قابو پایا۔اس واقعہ میں لاری کا ڈرائیور محفوظ رہا۔