حیدرآباد کے تمام تعلیمی اداروں میں تعطیل کا اعلان

حیدرآباد: شہر حیدرآباد میں تیز بارش کا سلسلہ مسلسل جاری ہے،منگل کی صبح سے لگاتار تیز بارش نے بڑے پیمانے پر عام زندگی میں خلل پیدا کردیا ہے۔ اسی کے پیش نظر ضلع کلکٹر نے منگل کو ضلع کے تمام تعلیمی اداروں میں تعطیل کا اعلان کردیا ہے۔

موسلا دھار بارش کے مسلسل جاری رہنے کی وجہ سے، شہر کی سڑکیں تقریباً ناقابل گزر ہو چکی ہیں، جو کہ سڑکوں سے زیادہ تالابوں سے مشابہت رکھتی ہیں۔ شدید سیلاب کے نتیجے میں کئی رہائشی کالونیوں میں پانی داخل ہو گیا ہے، جس سے مکینوں کو مشکل حالات کا سامنا ہے۔

ضلعی انتظامیہ بحران سے نمٹنے کے لیے انتھک محنت کر رہی ہے۔ ہنگامی خدمات پوری صلاحیت کے ساتھ انجام دیے جا رہے ہیں۔ اور بارش سے متاثرہ افراد کی مدد کے لیے مسلسل جدو جہد جاری ہے۔

حکام رہائشیوں پر زور دے رہے ہیں کہ وہ احتیاط برتیں، غیر ضروری سفر نہ کریں اور گھروں میں ہی رہیں۔ کیونکہ سڑکوں کی حالت بدتر ہوتی جارہی ہے۔ موسمیات کے ماہرین کسی بھی ممکنہ پیش رفت کے لیے موسم کی قریب سے نگرانی کر رہے ہیں۔