​گاڑیوں کے زیرالتواچالانات کی ادائیگی کیلئے عوام کو ایک اور موقع

حیدرآباد: محکمہ پولیس نے زیر التوا چالانات کی ادائیگی کیلئے عوام کو خوشخبری سنادی ہے۔ محکمہ پولیس نے کہا کہ زیر التواء ٹریفک چالانات کی رعایتی تاریخ کو اس ماہ کی 31 تاریخ تک بڑھایا جا رہا ہے۔ اب تک زیر التواء چالانات کے ذریعہ 107 کروڑ روپے کی آمدنی پہلے ہی جمع ہو چکی ہے۔

 ریاست بھر میں 1.05 کروڑ کے زیر التواء چالانات کی ادائیگی عمل میں آچکی ہے۔ زیر التوا چالانات ادا کرنے کیلئے آْج آخری تاریخ تھی ابھی بقیہ چالانات کی ادائیگی نہیں ہوئی ہے۔ اسی حکومت نے تاریخ میں توسیع کرنے کا فیصلہ کیا ہے۔ریاست بھر میں کل 3.59 کروڑ ٹریفک چالانات زیر التوا ہیں۔

تاہم پولیس ذرائع کا کہنا ہے کہ تکنیکی مسائل کی وجہ سے ادائیگی میں تاخیر ہوئی۔ پولیس حکام کا کہنا ہے کہ آج سے آخری تاریخ میں توسیع کر دی گئی ہے۔

 واضح رہے کہ 26 دسمبر سے زیر التواء چالانات کو رعایت پر ادائیگی کا موقع دیا گیاتھا۔ ٹووہیلر گاڑیوں اور آٹوز کیلئے 80 فیصد، آر ٹی سی بسوں کیلئے 90 فیصد اور دیگر گاڑیوں کے لیے 60 فیصد رعایت۔ پچھلے سال بھی رعایت پر ادائیگی کا موقع دینے کے بعد 45 دنوں کے اندر 300 کروڑ روپے کی آمدنی جمع ہوئی تھی۔