اے پی: بی سی ہاسٹل میں کھانا کھانے کے بعد بعض طلبابیمار پڑگئے
ان میں سے بیشتر کی حالت اب بہتر ہے۔ اطلاعات کے مطابق 24 طلبا گنٹور گورنمنٹ جنرل اسپتال میں زیر علاج ہیں، جبکہ ایک طالب علم نرسمہا راؤ کو نازک حالت کے پیش نظر ایمس منتقل کیا گیا۔
حیدرآباد: آندھراپردیش کے ضلع گنٹور کے اناپرو بی سی ہاسٹل میں کھانا کھانے کے بعد بعض طلبابیمارپڑگئے۔
ان میں سے بیشتر کی حالت اب بہتر ہے۔ اطلاعات کے مطابق 24 طلبا گنٹور گورنمنٹ جنرل اسپتال میں زیر علاج ہیں، جبکہ ایک طالب علم نرسمہا راؤ کو نازک حالت کے پیش نظر ایمس منتقل کیا گیا۔
وزیر سویتا نے اسپتال پہنچ کر نرسمہا راؤ کے والدین سے ملاقات کی اور انہیں دلاسہ دیتے ہوئے کہا کہ آپ فکر نہ کریں، آپ کے بیٹے کی صحت کی مکمل ذمہ داری ہماری ہے۔
کلکٹر نے گنٹور جی جی ایچ اسپتال کا دورہ کر کے زیر علاج طلبا کی صحت کے بارے میں معلومات حاصل کیں۔
دوسری جانب وزیر سویتاسے وزیر اعلیٰ چندرا بابو نائیڈو نے فون پر بات کی اور بچوں کی صحت کے بارے میں مسلسل معلومات فراہم کرنے کی ہدایت دی۔
وزیر سویتا نے بتایا کہ ہاسٹل میں پانی اور کھانے کے نمونے جانچ کے لئے لیب کو بھیجے گئے ہیں۔ وزیراعلیٰ نے ہدایت دی ہے کہ جیسے ہی لیب رپورٹ آ جائے، غفلت کے ذمہ داروں کے خلاف سخت کارروائی کی جائے۔
