اے پی: ضلع نندیال میں خاتون پر شیر کا حملہ

حیدرآباد: آندھراپردیش کے ضلع نندیال میں شیر کی موجودگی سے سنسنی پھیل گئی۔

ضلع کے پدااننت پور علاقہ میں یہ شیر نظرآیا۔

مویشیوں پر اس کے باربارحملوں سے مقامی افراد میں فکرمندی پائی جاتی ہے۔

اس نے ایک خاتون پر بھی حملہ کیا۔اس خاتون کی شناخت لکشمماں کے طورپر کی گئی ہے۔

اس کی چیخ وپکار پر یہ شیر وہاں سے فرار ہوگیا۔

مقامی افراد نے اس واقعہ پر برہمی کااظہار کرتے ہوئے کہاکہ محکمہ جنگلات کے عہدیداروں کو اس سلسلہ میں چوکس کیاگیا تاہم انہوں نے اس پر ہنوز کوئی توجہ نہیں دی۔

اس واقعہ کے بعد سے مقامی افراد رات جاگ کر گذاررہے ہیں۔

اس کے پنجوں کے نشانات بھی دیکھے گئے۔