عوام کے درمیان 24گھنٹے خدمات انجام دینے والے تلاسانی سرینواس کو کامیاب بنانے کے ٹی آر کی اپیل

حیدرآباد: بی آرایس کے کارگزارصدر وریاستی وزیربلدی نظم ونسق کے ٹی آر نے کل رات حلقہ اسمبلی صنعت نگر میں ایک بڑے جلسہ عام سے خطاب کرتے ہوئے کہا کہ حلقہ اسمبلی صنعت نگر کے بی آرایس امیدوارتلاسانی سرینواس یادو 24گھنٹے عوام کے درمیان رہتے ہوئے کئی اہم مسائل حل کئے۔

آج وہی تلاسانی سرینواس یادو کو صنعت نگر سے کامیاب بناکر تیسری مرتبہ منتخب کریں۔ کے ٹی آر نے مزیدکہا کہ حیدرآباد کی موجودہ ترقی صرف اور صرف بی آرایس کی دین ہے۔

غریب عوام کو ڈبل بیڈروم کے پٹہ جات کی فراہمی‘ شادی مبارک کے ذریعہ چیکس کی تقسیم‘ ائمہ ا ور موذنین کے اعزازیہ کی فراہمی صرف اور صرف بی آرایس حکومت کا کارنامہ ہے۔

صنعت نگر حلقہ کے عوام سے پرزوراپیل ہے کہ وہ 30نومبر کو بی آرایس امیدوارتلاسانی سرینواس یادو کے کار کے نشان کا بٹن دباکر اپنا قیمتی ووٹ استعمال کرتے ہوئے بھاری اکثریت سے کامیاب کریں۔