6100 اساتذہ کی جائیدادوں پر تقررات، اعلامیہ جاری

امراوتی: آندھراپردیش کے وزیرتعلیم بی ستیہ نارائنا نے ریاست بھر میں اساتذہ کی6100 جائیدادوں پرتقررات کے لئے آج ریاستی سکریٹریٹ میں اعلامیہ جاری کیا۔

وزیرتعلیم نے حکومت کے احکام (جی اوزll اور12) جاری کیا۔ ان جی اوز میں تقررات سے متعلق تمام ترتفصیلات شامل ہیں یہ جی اوز www http//cse.gov.in پر بھی دستیاب ہیں وزیرتعلیم کے مطابق سات زمروں جیسے ضلع پریشد، منڈل پریشد، میونسپل، آندھراپردیش ماڈل اسکولس اوردیگر میں ان اساتذہ کا تقررکیا جائے گا۔

آئندہ ماہ اپریل تک خالی ہونے والی اساتذہ کی جائیدادوں پر اس ڈی ایس سی کے ذریعہ تقررات کئے جائیں گے۔ یہاں صحافیوں سے بات چیت کرتے ہوئے بوتسہ ستیہ نارائنا نے کہاکہ کمپیوٹربیسڈ امتحانات15تا30 مارچ کے درمیان منعقد ہوں گے۔