تعلیم و روزگارشمالی بھارت

یکم اپریل سے انٹرمیڈیٹ کلاسس نہیں ہوں گی

حکومت ِ بہار نے اعلان کیا ہے کہ وہ ریاست میں مختلف یونیورسٹیوں سے ملحقہ کالجس میں انٹرمیڈیٹ کلاسس بند کردے گی۔

پٹنہ: حکومت ِ بہار نے اعلان کیا ہے کہ وہ ریاست میں مختلف یونیورسٹیوں سے ملحقہ کالجس میں انٹرمیڈیٹ کلاسس بند کردے گی۔

متعلقہ خبریں
شیڈول سے قبل انٹرمیڈیٹ میں داخلہ نہ لیں
پالی سیٹ کا اعلامیہ جاری درخواستوں کی وصولی کا آغاز
انٹرمیڈیٹ بورڈ نے تعلیمی سال 25-2024 کا کیلنڈر جاری کیا
تلنگانہ یونیورسٹیوں کے وائس چانسلرس کے تقررات، اعلامیہ جاری۔اہل افراد سے درخواستیں مطلوب
انٹرسال اول و دوم کی امتحانی فیس کا شیڈول جاری

چہارشنبہ کی شام جاری کردہ ایک اعلامیہ میں محکمہ تعلیم نے کہا ہے کہ پٹنہ یونیورسٹی میں تقریباً 10 سال پہلے ایسی کلاسس بند کی جاچکی ہیں۔

جاریہ سال اپریل سے شروع ہونے والے تعلیمی سال میں دیگر یونیورسٹیز کے تحت کالجس کی پلس 2 کی کلاسس بند کردی جائیں گی۔

اعلامیہ کے مطابق انٹرمیڈیٹ کی تعلیم (آرٹس‘ سائنس اور کامرس) میں نئے تعلیمی سال سے صرف ہائیر سکنڈری اسکولس میں ہی دی جائے گی۔

محکمہ نے یہ بھی کہا کہ یونیورسٹیز ایکٹ میں بھی انٹرمیڈیٹ (پلس 2) کو کالجس سے غیرمربوط کردینے کی سفارش کی گئی ہے لیکن ناکافی انفرااسٹرکچر اور ہائیر سکنڈری اسکولس میں انسانی وسائل کی کمی کے باعث اب تک ایسا نہیں کیا جاسکا تھا۔