ویڈیو: ٹی ٹی ڈی میں صرف ہندو، وقف بورڈ میں غیر مسلموں کی شمولیت کا اصرار، وزیر اعظم پر اسد اویسی کا طنز

حیدرآباد (پی ٹی آئی) اے آئی ایم آئی ایم کے سربراہ اسد الدین اویسی نے وزیر اعظم نریندر مودی پر طنز کے تیر چلاتے ہوئے کہا کہ تروملا تروپتی دیواستھانم (ٹی ٹی ڈی) کے حالیہ تقرر شدہ چیرمین نے تروملا میں صرف ہندو عملہ پالیسی کا اعلان کیا ہے جبکہ مرکز کی بی جے پی کی زیرقیادت این ڈی اے حکومت، وقف بورڈ میں غیر مسلموں کو شامل کرنا چاہتی ہے۔

جمعہ کی شب ایکس پر ایک پوسٹ کرتے ہوئے حیدرآباد کے ایم پی اسد الدین اویسی نے کہا کہ تروملا تروپتی دیوا استھانم کے صدرنشین کا کہنا ہے کہ تروملا میں صرف ہندو اسٹاف کام کرے گا لیکن مودی حکومت، وقف بورڈ اور وقف کونسل میں غیر مسلموں کو لازمی طور پر شامل کرنا چاہتی ہے۔

ہندو انڈومنٹ کے بیشتر قوانین اس بات پر اصرار کرتے ہیں صرف ہندوہی اس کے ارکان ہوناچاہئے۔ انہوں نے کہا کہ جو ہنس کیلئے اچھا ہونا چاہئے تو بطخ کیلئے اچھا نہیں ہونا چاہئے؟۔