بنگلہ دیش ٹی ٹوئنٹی ورلڈ کپ میچز ہندوستان سے منتقل کرنے کا مطالبہ کرے گا

ڈھاکہ: بنگلہ دیش اور ہندوستان کے درمیان سیاسی کشیدگی کھیل کے میدان تک پہنچ گئی۔

بنگلا دیش کرکٹ بورڈ (BCB) نے آئی سی سی سے مطالبہ کرنے کا فیصلہ کیا ہے کہ ٹی ٹوئنٹی ورلڈ کپ میں بنگلہ دیش کے میچز ہندوستان کے بجائے سری لنکا منتقل کیے جائیں۔

یہ پیش رفت فاسٹ بولر مستفیض الرحمان کو کولکتہ نائٹ رائیڈرز (KKR) سے ریلیز کیے جانے اور ہندوستان میں پیدا ہونے والی سیاسی صورتحال کے بعد سامنے آئی ہے۔

بنگلہ دیشی حکومت کے مشیر برائے کھیل، آصف نظرول نے بی سی بی کو ہدایت دی ہے کہ وہ آئی سی سی کو کھلاڑیوں کے تحفظات سے آگاہ کرے۔ بنگلہ دیش کو اپنے ابتدائی تین میچز کولکتہ میں کھیلنے ہیں، تاہم اب سیکیورٹی خدشات کی بنا پر متبادل وینیو کے لیے دباؤ بڑھایا جا رہا ہے۔