بتکماں اور دسہرہ تہوار۔ حیدرآباد کے بس اسٹینڈس پر عوام کاہجوم

حیدرآباد: پھولوں کے تہوار بتکماں اور دسہرہ تہوار کے موقع پر شہرحیدرآبادکے اہم بس اسٹینڈس پر مسافرین کا بڑے پیمانہ پرہجوم دیکھاجارہا ہے۔

تہواروں کے اس سیزن میں مسافرین کے ہجوم سے نمٹنے کیلئے تلنگانہ آرٹی سی کی جانب سے 5000اضافی بسیں چلائی جارہی ہیں تاہم مسافرین نے شکایت کرتے ہوئے کہاکہ پیشگی طورپر ریزرویشن کرنے پر بھی ان کو نشستیں نہیں مل رہی ہیں۔

شہرحیدرآبادمیں مقیم عوام کی بڑی تعداد ان تہواروں کو منانے کے لئے ریاست کے مختلف مقامات پر اپنے آبائی مواضعات جاتی ہے جن کی تعداد میں ہر سال اضافہ ہورہاہے۔