انتخابات میں غریب پسماندہ اور امیر افراد کے درمیان لڑائی: وجے سائی ریڈی

حیدرآباد: نیلور لوک سبھا حلقہ کے وائی ایس آرکانگریس امیدوار و رکن راجیہ سبھا وجے سائی ریڈی نے کہا کہ ان انتخابات میں ایک طرف غریب پسماندہ اور دوسری طرف امیر افراد کے درمیان لڑائی ہے۔

وائی ایس آر کانگریس پارٹی سماج کے غریبوں، دبے کچلے اور پسماندہ افراد کے لیے لڑ رہی ہے، دوسری طرف تلگودیشم اور بی جے پی اتحاد صرف امیروں کے لیے لڑ رہا ہے۔

زبردست اکثریت کے ساتھ انتخابات میں وائی ایس آرکانگریس کی کامیابی ہوگی۔ نیلور پارلیمانی حلقہ کے لیے جلد ایک علیحدہ منشور جاری کیاجائے گا۔

انہوں نے کہاکہ سابق وزیراعلی وتلگودیشم پارٹی کے قومی صدراین چندرابابونائیڈودعوی کرتے ہیں کہ ان کو سیاست کا 40سال کا تجربہ ہے، لیکن وہ انہیں ایک انتہائی خود غرض سیاست داں سمجھتے ہیں جن کے پاس کوئی اصول نہیں ہے، کوئی اخلاقی قدر نہیں ہے وہ صرف اقتدار حاصل کرنا چاہتے ہیں۔