بچوں کو سائیکلیں، وزیراعلی چندرابابوسے اظہارِ تشکر

حیدرآباد: اے پی کے وز یراعلی چندرابابو نے فوری طور پر بچوں کی خواہش پوری کی جس پربچوں نے اظہارِ تشکرکیا۔

ستیہ سائی ضلع کے کوتھاچیرو سے تعلق رکھنے والے بچوں نے وزیر اعلیٰ چندرابابو نائیڈو کا شکریہ ادا کیا جنہوں نے ان کی خواہش کوپورا کیا۔ 10 جولائی کو کوھاچیرو میں منعقدہ پیرنٹس-ٹیچرس میٹنگ کے دوران ماں کو سلام اسکیم کے تحت رقم حاصل کرنے والے خاندانوں سے ملاقات کے دوران وزیر اعلیٰ نے ان کے مسائل کے بارے میں دریافت کیا۔

اس موقع پر ایک بچے نے سائیکل کی خواہش ظاہر کی، جبکہ اُس کی ماں نے اپنا ذاتی گھر ہونے کی خواہش پیش کی۔ وزیر اعلیٰ چندرابابو نے فوری ردعمل ظاہر کرتے ہوئے ضلع کلکٹر کو ہدایت دی کہ بچوں کو سائیکلیں دی جائیں اور ان کے لیے مکان کی تعمیر کا انتظام کیا جائے۔

حکام نے بعد ازاں بچوں کے گھر جا کر سائیکلیں فراہم کیں۔ اس پر خوش ہو کر بچوں نے مسکراتے ہوئے کہا: "تھینک یو سی ایم سر!” ۔