بہار: سارن میں موٹر سائیکل کی ٹکر سے60سالہ شخص کی موت

چھپرا: بہار میں ضلع سارن کے دریا پور تھانہ علاقہ میں موٹر سائیکل کی زد میں آکر ایک شخص کی موت ہو گئی۔

پولیس ذرائع نے پیر کو یہاں بتایا کہ بیلہ محمد پور گاؤں کا رہنے والا رامائن مہتو (60) بکریاں چرانے کھیتوں میں جا رہا تھا۔ اس دوران ایک بے قابو موٹر سائیکل سوار نے اسے ٹکر مار دی جس سے وہ زخمی ہو گیا۔

اہل خانہ اسے زخمی حالت میں علاج کے لیے قریبی صحت مرکز لے گئے جہاں ڈاکٹر نے اسے مردہ قرار دے دیا۔

ذرائع کا کہنا ہے کہ واقعہ کی اطلاع ملتے ہی پولیس موقع پر پہنچ گئی اور لاش کو پوسٹ مارٹم کے لیے صدر اسپتال بھیج دیا۔ پولیس نے نامعلوم موٹر سائیکل سوار کے خلاف ایف آئی آر درج کر کے تفتیش شروع کر دی ہے۔