بی جے پی کارکنوں نے تلنگانہ کے خانہ پورمیں پولیس اسٹیشن میں توڑپھوڑکی

حیدرآباد: بی جے پی کے ایک کارکن کی رہائی کامطالبہ کرتے ہوئے زعفرانی جماعت کے کارکنوں نے تلنگانہ کے ضلع نرمل کے خانہ پورمیں پولیس اسٹیشن میں توڑپھوڑکی جس کے نتیجہ میں کچھ دیرکیلئے کشیدگی پھیل گئی۔

بی جے پی کے کارکنوں نے سابق منڈل پریشد صدرروی کی گرفتاری پر اعتراض کیا جن کو پولیس نے گنیش پنڈال کے قریب بی آرایس لیڈرجانسن نائک کی گاڑی کو ٹکر دینے کے الزام میں گرفتار کیاتھا۔

روی کی گرفتاری کے خلاف بی جے پی کے کارکنوں نے پولیس اسٹیشن کی کھڑکیوں کو نقصان پہنچایا۔

بعد ازاں انہوں نے انسپکٹر پر حملہ کی کوشش کی اور پولیس سے بحث وتکرار بھی کی۔پولیس نے احتجاجیوں پر قابو پانے کیلئے لاٹھی چارج بھی کیا۔

پولیس اسٹیشن کو نقصان پہنچانے والے کارکنوں کو حراست میں لے لیاگیا۔روی کو رات دیرگئے پولیس اسٹیشن سے رہا کرنے کے بعد احتجاجیوں نے احتجاج کو ختم کردیا۔