ملک میں بی جے پی کا پہلا مسلم رکن اسمبلی کامیاب

حیدرآباد: تریپورہ اور ملک کے پہلے بھارتیہ جنتا پارٹی مسلم رکن اسمبلی کو بوکسانگر میں کامیابی حاصل ہوئی ہے۔ بوکسا نگر حلقہ اسمبلی‘ سی پی آئی (ایم) کا مضبوط گڑھ تھا جس پر اب بی جے پی کا قبضہ ہوچکا ہے۔

 بی جے پی کے امیدوار تفضل حسین نے سی پی آئی (ایم) کو شکست دے کر کامیابی حاصل کی۔ تفضل حسین کو 34,146 ووٹ حاصل ہوئے جب کہ سی پی آئی (ایم) کے میزان حسین کو صرف 3,909 ہی ووٹ حاصل ہوسکے۔

 تفضل حسین کو مسلم غلبہ والے اس حلقہ اسمبلی سے16/ فبروری کو سی پی آئی۔ ایم کے شمس الحق سے شکست ہوگئی تھی تاہم قلب پر حملہ کے باعث ان کا 19 /ستمبر کو انتقال ہوگیا تھا جس کے نتیجہ میں ضمنی انتخابات ناگزیر ہوگئے تھے۔

 یاد رہے کہ تفضل حسین سے پہلے ملک کی 28 ریاستوں اور مرکز کے زیر انتظام علاقوں کی اسمبلیوں میں کوئی بھی مسلم ایم ایل اے اس وقت نہیں تھا۔ چند برس قبل پارٹی کے مختلف اسمبلیوں میں چار ایم ایل ایز تھے۔ راجستھان میں 2 اور جموں و کشمیر اور آسام میں ایک ایک ارکان اسمبلی تھے۔