30پروازوں میں بم رکھے جانے کی اطلاع

نئی دہلی / ممبئی (پی ٹی آئی) ملک کی مختلف ایرلائنس کی 30 سے زائد پروازوں میں ہفتہ کی صبح بم رکھے جانے کی دھمکیاں ملیں۔

ذرائع کے بموجب ایرانڈیا‘ انڈیگو‘ آکاسا ایر‘ وستارا‘ اسپائس جیٹ‘ اسٹار ایر اور الائنس ایر کی فلائٹس میں بم کی دھمکیاں ملیں۔ ان میں انڈیگو کی دہلی اور ممبئی تا استنبول‘ جودھپور تا دہلی اور وستارا کی اُدئے پور تا ممبئی پروازیں شامل ہیں۔

ذرائع کا کہنا ہے کہ ہفتہ کی صبح سے زائداز 30 فلائٹس میں ایسی دھمکیاں ملیں۔ایک پرواز کے ٹائلٹ میں نوٹ لکھا پایا گیا جبکہ مابقی دھمکیاں سوشل میڈیا کے ذریعہ ملیں۔

جمعہ کے دن وستارا کی بین الاقوامی پروازوں میں ایسی دھمکیاں جھوٹی ثابت ہوئی تھیں۔ اس کی ایک پرواز کا رخ بطور احتیاط فرینکفرٹ کی طرف موڑدیا گیا تھا۔گزشتہ چند دن میں ہندوستانی ایرلائنس کی 70 پروازوں میں بم رکھے جانے کی جھوٹی اطلاع ملی تھی۔