ضلع عادل آباد کے ایک موضع میں رائے دہی کا بائیکاٹ, ایک شخص نے بھی ووٹ نہیں ڈالا

حیدرآباد: ضلع عادل آباد کے بھیم پور منڈل کے کولہ گوڑ نامی دیہات کے عوام نے تلنگانہ اسمبلی انتخابات سے دوری اختیار کرلی اور رائے دہی میں حصہ نہیں لیا۔

سارے دیہات سے ایک بھی فرد نے حق رائے دہی سے استفادہ نہیں کیا‘ جس کی وجہ سے انتخابی عملہ خالی ہاتھ واپس ہونے پر مجبور ہوگیا۔

عوام نے کہا کہ کسی بھی سیاسی جماعت کے قائد نے دیہات کے مکینوں سے ملاقات کرنا ضروری نہیں سمجھا۔

یہاں کے عوام کو سیاسی قائدین پر بھروسہ برقرار نہیں رہا جس کی وجہ سے رائے دہی کے عمل سے دوری اختیار کی گئی۔