”مجھے شکست دینے بی آرایس200کروڑروپئے خرچ کررہی ہے“:سیتااکا

حیدرآباد: مُلگ کی کانگریس امیدوار سیتااکا نے الزام لگایا ہے کہ انہیں شکست دینے کے لیے تلنگانہ کی حکمران جماعت بی آر ایس پارٹی 200کروڑ روپے خرچ کررہی ہے۔

ہر ووٹ کیلئے 5ہزارروپئے کی پیشکش کی جارہی ہے۔سیتااکانے مُلگ کے مختلف علاقوں میں انتخابی مہم چلائی۔

انہوں نے کہا کہ گاؤں میں شراب فروخت ہو رہی ہے۔انہوں نے الزام لگایا کہ شراب کی تقسیم سے مردوں کو شراب کا عادی بنایا جا رہا ہے۔

انہوں نے کہا کہ مُلگ کے مختلف علاقوں میں ملاوٹ شدہ شراب تیار کی جارہی ہے۔ انہوں نے وعدہ کیا کہ کانگریس 6ضمانتوں پر عمل کو یقینی بنائے گی اور غریبوں کو انصاف دلائے گی۔