تلنگانہ
بی آر ایس کے میدک ایم پی پر چاقو سے حملہ
یہ واقعہ دولت آباد منڈل کے سورم پلی گاوں میں پیش آیا۔ پربھاکرریڈی کو فوری طور پرعلاج کے لئے گجویل کے سرکاری اسپتال منتقل کیاگیا۔

حیدرآباد: میدک کے رکن پارلیمنٹ و بی آرایس کے حلقہ اسمبلی دوباک کے امیدوار کوتہ پربھاکر ریڈی پر انتخابی مہم کے دوران ایک شخص نے چاقو سے حملہ کردیاجس کے نتیجہ میں وہ زخمی ہوگئے۔
یہ واقعہ دولت آباد منڈل کے سورم پلی گاوں میں پیش آیا۔ پربھاکرریڈی کو فوری طور پرعلاج کے لئے گجویل کے سرکاری اسپتال منتقل کیاگیا۔
اسی دوران حملہ آور پر رکن پارلیمنٹ کے حامیوں، بی آرایس کے کارکنوں اور ہجوم نے حملہ کردیا۔
بعدازاں حملہ آور کو پولیس کے حوالہ کردیا گیا جس کی شناخت راجو کے طور پر کی گئی ہے۔
اس نے قبل ازیں مقامی نیوز ایپ کے لئے رپورٹر کے طور پر کام کیا تھا۔