سنگارینی کالریز یونین انتخابات سے دور رہنے بی آر ایس کا فیصلہ

حیدرآباد: بی آر ایس نے سنگارینی کالریز یونین انتخابات سے دور رہنے کا فیصلہ کیا ہے۔ بی آر ایس سربراہ کے چندر شیکھر راؤ نے اس ضمن میں پارٹی سے مربوط تنظیم ٹی بی جی کے ایس کے قائدین کو ہدایت جاری کی ہے۔ پارٹی کے فیصلہ کے خلاف ٹی بی جی کے ایس قائدین نے ناراضگی کا اظہار کیا ہے۔

 بتایا جارہا ہے کہ ٹی بی جی کے ایس قائدین اجتماعی استعفیٰ دے رہے ہیں۔ مستعفی قائدین کے متعلق بتایا جارہا ہے کہ وہ، کانگریس میں شامل ہونے کا منصوبہ رکھتے ہیں۔ آج ناراض قائدین کی جانب سے حیدرآباد میں مشاورتی اجلاس منعقد کیا گیا۔

اجلاس میں بی آر ایس سربراہ کے سی آر کے فیصلہ کو خود کشی قرار دیا گیا ٹی بی جی کے ایس کے قائد راجی ریڈی نے کہا کہ تحریک تلنگانہ کے دوران تشکیل دی گئی تنظیم کو انتخابات سے دور رکھنے کا فیصلہ افسوسناک اور بدبختانہ ہے۔ واضح رہے کہ گذشتہ روز ہی تلنگانہ اسٹیٹ ہائی  کورٹ نے سنگارینی کالریز انتخابات 27 دسمبر کو منعقد کرنے کی اجازت دے دی تھی۔