بی آرایس کی سلورجوبلی،کے ٹی آر کا تلنگانہ کے شہدا کو خراج

حیدرآباد: تلنگانہ کی اصل اپوزیشن بی آرایس کی سلورجوبلی کے موقع پر پارٹی کے کارگذارصدرتارک راما راو نے تلنگانہ کے شہدا کی یادگارپرپھول نچھاورکئے اورتلنگانہ کوریاست کادرجہ دلانے کیلئے ان کی خدمات کو یاد کیا۔

اس موقع پر میڈیا سے بات کرتے ہوئے انہوں نے کہا کہ پروفیسرکونڈا لکشمن باپوجی اور پروفیسر جئے شنکر تلنگانہ تحریک بی آرایس پارٹی کے سفر کے لئے ایک عظیم تحریک وبنیادی ستون رہے۔

انہوں نے کہا کہ گزشتہ 25 سال کے اس سفر میں سابق وزیراعلی و بی آرایس سربراہ کے چندرشیکھرراو کی قیادت پارٹی کلیدی کردار ادا کرتی رہی۔انہوں نے بتایا کہ 25 سال قبل بی آر ایس پارٹی کی بنیاد رکھی گئی تھی۔

ایک فرد سے شروع ہونے والا یہ سفر لاکھوں افرادکے ساتھ مضبوط ہوا اور بالآخر تلنگانہ کی کامیابی حاصل ہوئی۔ کے ٹی راما راو نے کہا کہ پارٹی کے قیام کے مقام جل درشیم میں سلورجوبلی جشن کا آغاز کرنا انتہائی خوشی کا موقع ہے۔

انہوں نے کونڈا لکشمن باپوجی کو خراج عقیدت پیش کرتے ہوئے کہا کہ جب گلابی جھنڈے کو کوئی جگہ نہ ملتی تھی، تب انہوں نے اپنا دروازہ کھولا اور تعاون فراہم کیا۔

کے ٹی راماراو نے واضح کیا کہ بی آر ایس کا واحد ایجنڈا ہمیشہ تلنگانہ رہا ہے اور پارٹی نے تحریک کے ذریعہ ریاست حاصل کی اور اب اس کی ترقی کے لئے مسلسل کام کر رہی ہے۔