برقعہ پوش خواتین نے مندر میں پوجا کی (ویڈیو وائرل)

حیدرآباد: تلنگانہ کے ضلع ناگرکرنول کا ایک ویڈیو سوشل میڈیا پر وائرل ہورہا ہے جس میں بعض برقعہ پوش خواتین مندر میں پوجا اور غیر شرعی عمل کرتے ہوئے نظر آرہی ہیں۔

 یہ ویڈیو اچم پیٹ منڈل کے رنگا پور گاؤں کا بتایا جا رہا ہے جس میں یہ دعویٰ کیا جارہا ہے کہ یہ خواتین پہلے درگاہ شریف کی زیارت کی اور پھر وہ امامہیشور پہاڑی پر گئیں جہاں پر مندر واقع ہیں اور شیو مندر میں پوجا کی۔

یہ خواتین مسلم ہیں یا نہیں اس بات کی تصدیق تو نہیں کی جا سکی لیکن ویڈیو میں تو ضرور دیکھا جا سکتا ہے کہ یہ خواتین برقع پہن کر مندر کے اندر موجود تھیں اور ان میں سے ایک خاتون ہندؤں خواتین جیسا غیر شرعی عمل کرتے ہوئے نظر آرہی ہیں۔

اگر واقعی یہ خواتین مسلمان ہیں تو کافی افسوس کا مقام ہے کہ آج کے اس پرفتن دور میں مسلم معاشرہ کہاں جارہا ہے۔ پہلے ہی کچھ ایسے ویڈوسوشل میڈیا پر رونما ہورہے ہیں کہ کالج میں تعلیم حاصل کرنے والی کچھ مسلم طالبات یا ملٹی نیشنل کمپنیوں میں ملازمت کرنے والی چند لڑکیاں ہندؤں لڑکوں کے ساتھ کھلے عام کبھی شاپنگ مال میں یا کسی تفریحی مقامات دیکھی جارہی ہیں۔ اس کے ذمہ دار کون ہیں؟